السلام عليكم
طبعا يشرفنى انى اكون اول من يكتب فى القسم ده لانى طبعا صاحب الفكره
عاملين ايه يا شباب؟؟يارب تكونو بخير
اليوم غير كل يوم، مش هتقرو شعر لكن هتقرو قصه ، قصة حب ا... اسيبكم تقرو وتقولو انتو رأيكم
علي فكره انا سميت القصه:
العام الأول ولكنه الأخير
الجزء الأول
بسم الله الرحمن الرحيم ، بسم الله بدأت قصتي وبنيتة حسنة عشت ومرحت فالحياة فيوم صادفت السعاده ، صادفت الجمال ، صادفت الحسن والبهاء ، صادفت الحب فما أجملها صدفه
أقولكم أيه انا هتكلم عادي كده
صادفة انسانه سمعت صوتها وعرفت لمحه عن شخصيتها حبتها جدا من غير ما أكلمها او تعرفني
وبدأنا نتكلم ونتعرف علي بعض حاولت ابوح لها بمشاعري نحيتها بس طلبت اننا نكون اصحاب وأنا ألتزمت بطلبها لحد يوم من كتر مشاعري ماهي سجينه جواياا وصلت لها دقة علي باب قلبهاوحست بيا وسألتني و جوبتها بحبي و هي كان قلبها حس بيا ودخلت جواه وحبتني ومن اليوم ده وأحنا سوي وحبنا بيزيد كل ثانيه وبصدق كل ثانيه بيزيد حبنا لبعض
حبي ليها حب كبيييير قوي وبجد محدش حب انسانه فالكون قد ما أنا حبتها محدش فالكون تحمل ألم وعذاب قد ما أنا تحملت عذاب وألم عشان نفضل سوي ويستمر حبنا رغم أي ظروف
مفيش حد فالكون مات بسبب حبه لأنسانه فالوجود زي ما انا مرمي فالسرير بنتظر موتي فأي لحظه
عارف ممكن متصدقونيش بس الفرق بين حبي وحب اي حد تاني ان اي انسان بدأت علاقته بأعجاب او حب بس انا لأ
انا بدأت علاقتي بعشق !! عارفين يعني أيه عشق ؟؟ عشق يعني اعلي مراتب الحب ، عشق يعني روحين بقت روح ، عشق يعني خلود فكل لحظه الواحد بيعشها ، عشق يعني أعلي درجه من الحب
بدأت فحبها من العشق ويزيد تخيلو وصل لحد فين لما يبدأ من العشق ويزيد
بقيت احس بيها وهي بعيد وبيني وبينها بلاد وعباد جبال وحدود وبحور
فمره غابت عني يومين وكانت حاسس بألم فجسمها حاسس ان في حاجه فيها وبعدين تقابلنا ومكنش باين عليها حاجه وحاولت تخبي وسألتها قالت ان صدرها وجعها وبتلقائيه لقيت نفسي بقولها ليه والسبب من غير ما أعرف اصلا لاني فحبها بقيت كتلة أحساس ومشاعر طايره فالوجود بتطوف حوليها وتحرسها وتصونها
الجزء الثاني
اجمل ما فالكون هي اجمل نظره فالوجود مش نظره لكل جمال فالطبيعه فالكون كله لأ
نظره لعنيها
أأمن مكان فالوجود فحضنها وهي ضماني لصدرها
لو علي كتفي هموم الكون كله تهون لو هي جمبي وفأخر اليوم أرمي راسي علي صدرها وأبكي لحظات وانسي اي هموم وتزول لو لمست ارق حرير فالكون أقل من اني ألمس كفها
بوسه علي خدودها أغلي من كنوز الكون اطعم من الكرز والسكر شفايفها بلونها الوردي
خصلات شعرها وهي تطاير علي وشي ونايم علي كتفها بيخليني طااااير فالسما بين جناين ولا فالخيااال كأني فبلاد ورا السبع بحار
ممكن تقولو هو انت كل حاجه بس مش مهم كلامكم ده انا عايز أتكلم عنها
كانت تضمني ليها واضمها واسرح فسما حبنا وعشقنا لدرجة اني كنت افوق وأحس اني هكسر ضلوعها من قوة ضمي ليها كأني كنت عايز ادخلها جوايا تعيش فصدري جوا قلبي وكنت اخاف تتألم فأهون من ضمتي لكن هي تكون متعلقه بيه وتضمني أكتر كأنها عايزه فعلا تعيش جوا قلبي
اجمل انسانه فالكون هي حببتي مش عشان هي حببتي لأ لأنها كده فعلا
الجزء الثالث
عارفين اغرب مافالقصه دي اني بكتبها وأحنا مفترقين !! اه مفترقين بس كل واحد لسه بيحب التاني وحبه جوا قلبه وعايش جواه وعمره ما هيموت فينا العشق واحنا سوي برده ومفترقين !! مفترقين كعشاق بس سوي كأصحاب وأخوات وأهل عشنا وعيشين وهنعيش لبعض بأي شكل كان
يمكن تتعجبو انا مفترقين رغم الحب ده بس مش هقولكم الظروف كانت ضددنا والدنيا والناس والكلام ده رغم انه حقيقي بس احنا حاربنا الدنيا والناس وهي حببتي عرضت نفسها للموت عشان نقرب ونكسب الدنيا وانا بموت فعلا بسبب محولاتي اننا نتجمع علي سنة الله وغلبنا الدنيا بس قدر ربنا وحكمته اننا نفترق دلوقت ولأخر لحظه فعمري وانا بنطق الشهادتين هيكون عندي أمل نتجمع تاني " وقد يجمع الله الشتيتن بعد ان ظنا كل الظن ألا تلاقيا " طول ما لسه في روح ولسه فيها روح وربنا موجود هيفضل عندي امل وحب ليها هيفضل فعيني نور قلبها وحسنها هيفضل فقلبي أمل وأحساس
بالفرج واننا نلتقي من تاني ونتجمع
اليوم ده انا هضمها هحضنها قووووووي مش هسيبها ابدا ولا لحظه هعيش لها وهي هتعيش لي لأني بحبها قووووي وهي بتحبني جدااااا
انا بجد بعشقها وهفضل أعشقها طول العمر وهتخلد قصة حبنا مدا الزمن و هتعيش وهيحكيها الصغير قبل الكبير بالتفصيل.....
بعشقك يا أحلى انسانه وأحلى حبيبه و أرق انثى واطعم ما فى الوجود و أحن قلب و أجمل روح بعشقك حببتى