MANO MOMEN
عضو نشط جدا
عدد المساهمات : 166
تاريخ التسجيل : 18/05/2009
العمر : 34
الموقع : هنا أحلى منتدي وكفايه
 | موضوع: موسوعة الامثال المصريه من الالف الى الياء 11  الأربعاء مايو 27, 2009 10:35 pm | |
|
ر )
الراجل ما يعيبه إلا جيبه
الراجل الخايب خلفته كتير و البطيخة القرعة لبها كتير
راحت رجال العز و الهيبة و قعدت رجال ما تختشى العيبة
راح النور و قعد القوار
راسه و لا راس التيس
راحت الناس و فضل النسناس
رايح فين يا زغلول بين الملوك
الرامب أحسن من الماشى
ربك و جارك عالم بحالك
رايحين تبرموا على مين و احنا كلنا برامين
ربنا بيرزق الكتف بطوبة صحيحة
ربنا بيرزق الديب العجوز بالنعجة السمينة
ربنا رب قلوب
ربنا خلق البحر و مده كل واحد على قده
ربنا قبل ما يبلى بيدبر
ربنا قبل ما بيبلى بيصبر و قبل ما يكسر بيجبر
ربنا مريح العرايا من غسيل الصابون
ربنا ما بيديش عايز
رب هنا رب هناك
ربنا موجود فى كل الوجود
ربنا يبعت للعويلة ولد تقعد جنبه و تنسند
ربنا هو المخلصان
ربنا يفدى شئ بشئ
ربنا يخليك يا بكبك يا للى أمك تتحجج بك
ربى العجال على قفا الأندال
ربى ابن ابنك و ابن بنتك لأ و ابنى فى ملكك و ملك غيرك لأ
الربط غلب العفريت
ربيت كلبى و اندار عقرنى لا خير فى تربية الكلاب
الرجالة غابت و الستات سابت
الرجالة عند اغراضها نسوان
الرجل تدب مطرح ما تحب
رجل بره و رجل جوه
رجل دارت عارت إما سرقت أما فتنت إما قالت
رجعت ريمة لعادتها القديمة
الرجم بالطوب و لا الهروب
رجعت حليمة لعادتها القديمة
الرخيص غالى و الغالى رخيص
رحت للحواية حوتنى و رحت لأم أربعة و أربعين قرصتنى
الرزق الديق بيريح صاحبه
الرزق الخفيف بيريح صاحبه
رزق الهبل على المجانين
رزق الشباب ورا الباب
الرزق يحب الخفه و المبدر رزقه أكتر
الرزق يحب الخفية
رش المية عداوة
الرزق يوم بيوم و الأرزاق على الله
الرغيف اللى يلمع للصاحب اللى ينفع
رطل نحاس بيغنى ناس
الرك مش على النون الرك على ايد الزنزن
الرك على النية
ركبتك يا اعرج العرج حطيت رجالك فى الخرج
ركب الخليفة و انفض المولد
الروح من حديد ما بتطلع ورا حبيب
ركبى سابت
ريحة البر و لا عدمه
ريحة الإدام و لا عدمه
الريس يحبك امسح ايدك فى القلع
مع تحياتى
أخوكم
مـانـو
| |
|
